Wednesday, August 29, 2012

தாஜ்மஹால்

    

 

 

 

 

 

           காதல் சின்னம் தாஜ்மஹால் ஷாஜகான் -மும்தாஜின் காதல் உலகம் அறிந்தது.தனது காதல் மனைவிக்காக ஷாஜகான் கட்டிய நினைவு சின்னம் தான் தாஜ்மஹால்.இதனை கட்டும் பணி 1631 -ல் தொடங்கப்பட்டது.தனது காதல் மனைவி மும்தாஜ் மீது கொண்ட அன்பின் சாட்சியாக 13 குழந்தைகள்  பிறந்தன.தான் இறந்த பிறகு என்னனென்ன செய்ய வேண்டும் என்பதை தான் உயிருடன் இருக்கும் போதே கணவரிடம் தெரிவித்து வாக்குருதியினை பெற்றுக்கொண்டார் மும்தாஜ்.
    முதலாவது வாக்குறுதி,தான் இறந்தபின் தாஜ்மஹாலை உருவாக்க வேண்டும் என்பது.இரண்டாவது வாக்குறுதி,தன நினைவிலேயே இருந்து வருதபடாமல் மறுமணம் செய்து கொள்வது.மூன்றாவது குழந்தைகளிடம் அன்பாக இருப்பது,நான்காவது ஒவ்வொரு ஆண்டும் இறந்த தினத்தன்று கல்லறைக்கு வருவது  என்பது தான்.
     14 - வது குழந்தை பிறக்கும் சமயத்தில் மும்தாஜ் இறந்து போனார்.ஷாஜகான் போருக்கு சென்றால் கூட மனைவியை அழைத்துக்கொண்டு தான் செல்வர்.போர்க்களத்திற்கு வெளியே தற்காலிக முகாம் அமைத்து அதில் மும்தாஜ் தங்கி கொள்வர்.இப்படி போர்களத்தில் இருக்கும் போது தான் 14 -வது குழந்தை பிறந்தது.அந்த நேரத்தில் தான் மும்தாஜ் இறந்து போனார்.இதன் பின் மும்தாஜுக்கு நினைவு சின்னம்அமைக்க தீர்மானித்தார் ஷாஜகான்.கட்டிடக்கலையில் அவருக்கிருந்த ஆர்வமும் இதற்க்கு தூண்டுகோலாக அமைந்தது.யமுனை ஆற்றங்கரையில் தாஜ்மஹாலை கட்டும் பணி தொடங்கியது.ராஜா ஜெயசிங் என்பவருக்கு சொந்தமான நிலம் இதற்காக வாங்கப்பட்டது.அவரிடமே தனக்கு மிக உறுதியான பளிங்கு கற்களை தருமாறு கேட்டுக்கொண்டார் ஷாஜகான்.

      தாஜ்மஹால் கட்ட இருபதுஆயிரம் பேரின் உழைப்பு தேவைப்பட்டது.இந்தியாவின் அணைத்து பகுதிகளில் இருந்து கட்டிடம் கட்ட பொருள்கள் கொண்டு வரப்பட்டன.ஆயிரம் யானைகள் பயன்படுத்தப்பட்டன.அப்படியிருந்தும் தாஜ்மஹாலை கட்டி முடிக்க 21  வருடங்கள் ஆனது.1653 ல் மிக நேர்த்தியாக தயாரானது தாஜ்மஹால்.வெண் பளிங்கு கட்டிடத்தை வடிவமைத்தார் ஈரானிய கட்டிடகலை நிபுணர் உஷ் தாத் இசா.31 நிபுணர்கள் இந்த பணியில் உதவினர்.

      பெர்சிய,மொகலாய கட்டிட பாணியில் கலைஞர்கள் தங்கள் கை வண்ணத்தை கட்ட அழகு பொக்கிஷம் ஆனது.நான்கு மூலைகளிலும் நன்கு மினார்கள் அமைக்கப்பட்டன.இது பெரும் கம்பீரத்தை  சேர்த்தது.பின்னலில் தனது மகனால் சிறைப்படுத்த பட்ட காலத்திலும் காதல் மனைவியின் நினைவு சின்னத்தை கண்டவாறே காலத்தை  கழித்தார் காதல் மன்னன்  .மரணத்திற்கு பின் காதல்  மனைவியின் அருகிலேயே துயில் கொண்டார்.௩௫௦ வருடங்கள் ஆகியும் இன்னமும் இளமை துள்ளலோடு வசீகரிகிறது இந்த காதல் சின்னமான தாஜ்மஹால்.

நன்றி மீண்டும் அடுத்த பதிப்பில் சந்திப்போம்.

            இளவரசன்

No comments:

add

Widget